موضوع: شرح اضافة الحقوق على الفيديو وتقليل حجمه وتحويله الى صيغه rmvb شرح كامل بالتفصيل وبالصور + البرامج الأحد يوليو 18, 2010 2:48 am
السلام عليكم ورحمه الله وبركاته
بسم الله الرحمن الرحيم
كنت قاعد فاضى وقلت اعمل شرح مهم فى كتير مننا بيسال عنه بيتعمل ازاى
وهو >>> شرح اضافة الحقوق على الفيديو و تقليل حجم الفيديو وتحويله الى نسخة rmvb
هشرح بالبلدى عشان هو الاقرب لعقولنا وسريع الفهم والحفظ
يعنى من الاخر ركزوا عشان تفهوا بسم الله نبتدى واحدة واحدة خطوه خطوه
اولاً - شـرح اضـافـة الـحـقـوق ؟
فى ملف تكست حمله وافتحه وغير اسم الموقع (ده لو هترفع لموقع تانى غير شباب فوكس) وغير اسمى لاسمك بس
ده شكله زى ما فى الصورة
حمله الملف من هناااااااااااااااااااااااااااا
دلوقتى عندك فيديو عايز تدمج عليه الحقوق هتعمل ايه ؟ اسم الفيديو وليكن (Wa7ed menna) يبقا هتسمى التكست بنفس الاسم بالظبط يعنى هتاخد اسم الفيدو كوبى وتعمله بست على ملف التكست وتخلى الاتنين فى فولدر واحد مع بعض (جنب بعض يعنى )
زى الصورة دى بالظبط
لحد كده تمام والكلام زى الفل طيب بعد ما عملنا اللى فات ده هنفتح المف بواسطة برنامج ميديا بلاير كلاسيك
بعد ما نفتحه هنلاقى ظهر فى شريط المهام تحت جنب الساعه الحجات دى زى الصورة
هندوس دبل كليك على السهم الاخضر زى الصورة اللى فاتت كده
بعد ما ندوس هتظهر الصورة دى
هندوس على Arial
بعد ما ندوس على Arial
تظهر الصورة دى
هنا بقا هنعدل مكان ظهور الحقوق هنعلم على الدايرة اللى السهم مشاور عليها دى فوق عشان الحقوق تظهر على شمال الفيديو من فوق السهم التانى بيشير للون الخط بتاع الحقوق لو عايزه بالابيض يبقا سيبه زى ما هو عايز تغير يبقا اضغط وغير للون اللى انت عايزه لكن عاداً اللون الاصفر والابيض بيظهروا على اى فيديو بوضوح
بعد ما عدلنا مكان ولون الخط ناقص اننا نعدل المقاس بس ونوع الخط شوف الصورة دى
هندوس على Arial اللى فى اليمين دى فى الصفحة 1 << تظهر لنا انواع الخطوط والحجم عدل زى ما تحب لكن حجم الخط 12 هو الانسب
وبكده الخطوة الاولى اللى هى دمج الحقوق خلصت والحقوق دلوقتى على الفيديو وتمام
ثانياً - دمج الفيديو وتحويله الى صيغه rmvb
هنستخدم برنامج ايزى ريال ميديا وده هتحمله من الرابط ده
سطب البرنامج عادى وبعد كده افتح البرنامج زى الصورة دى
من قائمة ستارت >> بروجرام >> وتابع الصورة اللى فاتت
دى واجهه البرنامج زى الصورة كده
ركز بقا مع الارقام اللى انا حاططها على الشرح
1 - add هتضيف الفيديو اللى احنا شغالين عليه (دوس كليك شمال مرة واحده على الفيديو بعد الاضافة) 2 - setting ضبط اعدادات الفيديو 3 - الرقم اللى عليه السهم ده هتلاقيه 450 هتخليه انت 350 على طول عشان تقلل حجم الفيديو 4 - تشيل علامة الصح من المربع زى الصورة كده وتدوس Browes اللى على اليمين دى عشان تختار مكان حفظ الفيديو فين بعد ما تدمجه 5 - هتكتب حقوق السايت على الانفو بتاع الفيديو زى الصورة كده او عدل زى ما تحب 6 - بعد كده هتدوس Ok
موضوع: رد: شرح اضافة الحقوق على الفيديو وتقليل حجمه وتحويله الى صيغه rmvb شرح كامل بالتفصيل وبالصور + البرامج الأربعاء نوفمبر 10, 2010 10:10 am
السلام عليكم مشكور كتير على البرنامج والشرح الجامد بس يا اخى انا عملت كل اللى قلت عليه وبعد ما اتحول الفديو شغلته لقيت الفديو مقلوب الثوره مقلوب والحقوق برضوا مقلوبه ومش عارف المشكله فين يا اخى
ياريت الحل ليها .......... شكرا
شرح اضافة الحقوق على الفيديو وتقليل حجمه وتحويله الى صيغه rmvb شرح كامل بالتفصيل وبالصور + البرامج
أحدث الصور 
الرئيسية 
التسجيل 
دخول 
العمر
المشاركات
النقاط
الاقامه
الانتساب 
الأحد يوليو 18, 2010 2:48 am
