موضوع: هو ده الحب اللى بدور عليه !! الأحد ديسمبر 20, 2009 12:11 am
السلام عليكم ورحمة الله وبركاته
أهلا بيكم مجددا أصدقائى مع موضوع جديد ويدور حول قضية خطيرة من قضايا الحب والرومانسيه :
( هو ده الحب اللى بدور عليه )
مبدأيا أى حد يدخل الموضوع يعتبر العنوان ده سؤال ويفكر فى أجابته وبعد مايقرأ الموضوع يجاوب ويتكلم بأحساسه وعقله
وبقلب مفتوح
( الموضوع )
مبدأيا محدش يقدر او يتوقع الحب فين او ممكن نلاقى مكانه لأن الحب ممكن نلاقيه حوالينا ومنكونش حاسين بيه
الفكره والكلام الصح اللى المفروض يتقال ياترى بعد ماتحس وتقابل الشخص اللى قالك بحبك ياترى طلع ده اللى انت حلمت
بيه ياترى ده فعلا كان اللى نفسك فيه
ياترى انت شايف الحب أزاى ؟
انا شايف الحب :
الحب أسمى كلمة فى الوجود الكلمة دى بصحى وبنام عليها كلمة مبنسهاش كلمة دايما بتعامل بيها مع كل اللى حواليا مع كل الناس كلمة حاسسها قوى كلمة جوايا ساكنه فى كل جوارحى ومعالمى بالتالى أى حد بيتعامل معايا هيحس ده من غير ماأقوله بحبه لما نعيش وتكون قلوبنا مفتوحه لكل الناس أكيد الحياة بيبقى ليها شكل ولون ومذاق أخر محدش يقول افتح قلبى عشان اختار من وسط الناس دى حد يحبنى اقوله هنا لاء انت لما تفتح قلبك هتفتحه عشان ده المفروض انه يتعمل ولما احساسك ومشاعرك توصل للناس مسير يطلع من وسط الناس دى واحد بس يفهمك ويحسك ويقدر مشاعرك موش اى حد يضحك معانا ويبتسم فى وشنا يبقى بنحبه ويحبنا فى شىء عام وفى شىء خاص خليك دايما انسان طبيعى قابل الحب بحب وقابل اللى يجرحك برضه بحب مقولتش متاخدش موقف خد موقف بس موقف ايجابى موش سلبى خلى عندك قوة شخصية انك تقدر تغير الناس من حواليك بس تغيرهم للأفضل كل دى حاجات مهمه من خلالها بتبدأ كلمة الحب تعالوا لما نحلم بحب وشخص نفسنا نقابله هيكون ايه صفاته وبدون مبالغة أو مجاملة هقول : نفسى فى شخص يكون جميل الشكل حسن المظهر طاهر القلب حسن الخلق ساعتها اقول عيونى وقلبى شافوا صح ولما اقول بحبك متكونش مجرد كلمة اتقالت وبس تكون عبارة عن حلم قابلته جوه عيون الشخص اللى قدامى شخص من غير مايفرض شخصيته عليه لقيته بياخدنى لدنيا تانيه شخص قادر طول الوقت يسحرنى بكلامه يبهرنى بموقفه وتصرفاته شخص قادر يكون قدى فى الحياة شخص قادر يعطينى الأمل والحنان شخص قادر يلمس ويكون دواء جروحى شخص يكون حته منى ماشى جوه شريانى شخص حبنى لذاتى حب فيا حياتى حب فيا صفاتى حبنى زى مانا حبنى قادر يغير فيا عيوبى شخص قادر يكمل معايا المشوار شخص انا شوفت فى عيونه وشخصيته خياليه او مستحيلة
خلص فجأة موضوعى وسبت الموضوع مفتوح ليكم ودلوقتى الكلام بقى ليكم وفى أنتظار مشاركات قوية وحقيقية وفعاله من الجميع
الموضوع ده هيترتب على اساسه حاجات كتير !!
اتمنى اشوف أجابة عن سؤالنا : ( ياترى هو ايه الحب اللى بتدور عليه ؟ ياترى انت شايف اللى بتحبه ايه ؟ )
المشاركه مفتوحه من والى الجميع اولاد وبنات
======================
dondon4us فوكسى مخربش
العمر : 37 المشاركات : 41 النقاط : 51 الاقامه : مصر ام الدنيا الانتساب : 18/12/2009
موضوع: رد: هو ده الحب اللى بدور عليه !! الأحد ديسمبر 20, 2009 5:29 pm
موضوع تحفه بجد وانا الحب الى بدور عليه هو عريس المستقبل الى انا بحلم بيه علطول وهو انه يكون حنين جداااااااااا وطيب واهم حاجه عنده انا وبيته ويعرف يحترمنى ازاى ويوصلى احساس انه نفسه يسعدنىومش مهم الفعل المهم الاحساس وساعتها هسيب الشغل وهسيب الدنيا كلها وهيبقى همى الوحيد فى الدنيا ازاى اسعده وعلى فكره انا مبعترفش بالحب بتاع الصحوبيه علشان كده عندى طاقه كبيره جدااااااااا شيلها للى يستحقها
السندريلا غالى علينا
المشاركات : 70 النقاط : 84 الانتساب : 11/11/2009
موضوع: رد: هو ده الحب اللى بدور عليه !! السبت ديسمبر 26, 2009 7:05 pm
اولا شكرا على الموضوع الجميل ده الحب من وجهة نظرى تضحية وعطاء واحساسيس حلوة للاسف مابقتش موجودة اليومين دول عشان كده مابقاش فى حب بقى فى خداع وكدب وتسلية بس لكن حب بجد حقيقى فيه احترام بين الطرفين لا مافيش وانا عن نفسى مش عايزة احب لانى مش عايزة اتخدع واتجرح
أحدث الصور 
الرئيسية 
التسجيل 
دخول 
العمر
المشاركات
النقاط
الاقامه
الانتساب 
الأحد ديسمبر 20, 2009 12:11 am
