قومـ ـوا .. اتجمعـــو

ربطونا ع النِت الكبير
خلونا شبكه ف بعضنا

كل الكلام عمـال يطير
يبقى هناك تلقاه هنا

والمعلومات بقت كتير
عن كل حاجه تهمنا

هذا الجهاز فعلا ًخطير
أصبح صديقنا كلنا

لم انقطع كابلات زمان
في البحر إرسالنا انقطع

ركبِتنا حاله من الجنان
كان كله قاعد متلطع

أمال بقى فين الأمان
لما السلوك دي بتنقطع

قالو يوميها بأنه كان
حادِث بريء في كابلنا

كابلات بعيد عن بعضهم
على عمق جامد في الغريق

ما في سفن توصل لهم
لو حتى فوق نفس الطريق

لكن ده متخطط لهم
من دوله عاوزه نكون في ضيق

وبغواصات من عندهم
غاصت قريب مننا

رجعوا النهارده
يحددو سرعة النت عندنا
قالو 40 جيجا بالعدد

يا جماعه قوموا اتجمعوا
ضد اللي سايق في النكد

دول ناس أكيد بيزعزعوا
أمن المصالح والبلد

لما السرعه يحددوها
تحصل مصيبه عندنا

مين اللي ليهم مصلحه
بعض الصحف هاجت تقول
ومبطلتش الوحوحه

بيقولوا دا ضد الأصول
ومخططين من كام سنه

إشمعنى يعني إسرائيل
النت فيها بيشتغل

والاتصال حلو وجميل
عمره ما ثانيه بينقفل

دي حكايه مش ممكن تخيل
إلا على حد انهبل

عارفين يا ناس مين العميل
إللي ليه المصلحه

خللوا الأمور متعطله
كل المصالح بلمت

والناس بقت متبرجله
عانت كتير واتألمت

كل البنوك متأجله
حتى الوزاره استسلمت

يا خواننا حلوا المشكله
علشان حالتنا مطينه

ما تشوفوا إيه بس البديل
ده يا ناس والله حرام
يحرمنا من أي اتصال

من غير تواصل أو كلام
أو طرح موضوع أو سؤال

والكل يزهق أو ينام
والله شيء فوق لاحتمال

أمال بقى فين السلام
لما السلام بيذلنا

دا اللهُ أكبر منهم
قادر يرجع حقنا