طريقة عمل الهمبورجر

السلام عليكم ورحمة الله وبركاته
عملت امبارح همبورجر على طريقتى الشخصية انما ايه طلع جميل جدا
شوفوا كده طريقته وقولولى ايه رأيكوا بس طبعا لما تجربوه

المقادير سهلة جدا

نصف كيلو لحمة مفرومة
3 ملاعق كبيرة بقسماط
1 بيضة
بقدونس
1بصله مفرومه ناعمه جدا
4 فصوص ثوم كبيرة
2 معلقة كاتشب
بهارات لحمة
فلفل اسود
ملح
نصف معلقة زنجبيل
نصف معلقة قرفة

الطريقة سهلة جدا

1- اللحمة+البصل+الثوم+البقدونس كله مع بعضه فى الكبه

2-بعد ذلك نجيب الخليط ونضع ليه البيضه+الكاتشب+بهارات+الملح+الفلفل+الزنجبيل+القرفة

3- نخلط كله مع بعضة كويس جدا ثم نضيف البقسماط

4-بعد ذلك نضعه فى الثلاجه حوالى ساعتين

5- نحضر كيس بلاستيك نضيف ونعمل الخليط كور صغيره وندخلها فى الكيس البلاستيك ونضغط عليها هتعمل شكل قرص البرجر وهكذا كل الكمية

6- ممكن تحمرى فى الزيت لكن الاحلى ترصيه فى صينية بعد ما تدهنيها زيت وتدخليه الفرن

وبالهنا والشفا

» طريقة عمل الفلافل بالصور
» طريقة عمل الحواوشى البلدى
» طريقة تريتب النيش
» طريقة عمل الكشري المصري
» طريقة عمل بسكوت النشادر