طريقة عمل الفايش الصعيدي

النهاردة جه على بالي الفايش الصعيدي ودي أول مرة أعمله لكن كان عندي فكرة عنه

قلت لازم أجرب أعمله والحمد لله طلع جميل وأنا فرحانه بنفسي جدا لأنه مش سهل وخطواته

كتيرة وكل خطوة لازم تنجح .

يالا اتفضلوا شوفوه وقولولي رأيكم

الفايش الصعيدي
=========

المقادير
=====

هو يتميز انك ممكن تعمليه من غير مقادير معينة لكن أنا هاقول بالتقريب

كيلو دقيق = 2 كوب زبدة أو سمن بلدي ويفضل السمن = حوالي لتر حليب

ملعقة كبيرة كركم = 3 ملعقة سمسم = كوب سكر = ذرة ملح

الطريقة
====

أول حاجة نعمل خميرة الحليب بأن نضع ملعقة سمسم في علبة أو برطمان

نغلي كوب حليب ونضعه فور غليانه على السمسم اللي في العلبة

نغطي العلبة بغطائها وتلف جديدا في قماش أو فوط مطبخ وتوضع في مكان لايصل اليه أي هواء

كي تتخمر ويأخذ التخمير 24 ساعة في الصيف ويومين في الشتاء وأحسن وقت لعمله في

الصيف أنا كنت كل كام ساعة أدفي فرن البوتاجاز واطفيها وأحطها ملفوفة بالقماش علشان تختمر .

المهم بعد عناء اختمرت والنتيجة بتكون يتكون قرص على وجه الحليب اللي في العلبة

بيكون واضح انها في حالة تخمر مثل ذلك

نيجي بقى نعمل عجينة الخميرة

حوالي 2 كوب دقيق تقريبا نضع عليهم الخميرة ونعجنهم ونغطيها ونتركها حتى تختمر وبيختلف

وقت التخمر حسب الجو .

هنا بعد التخمر

دلوقت الخميرة جاهزة نبتدي بقى عمل العجينة

نضع باقي الحليب مع الزبدة أو السمن مع السكر والكركم على النار

لتدفئته فقط

نضع الدقيق في طبق العجن ثم يعجن بخليط الحليب وهو دافىء ويعجن ثم نضع الخميرة

نعجن العجين جيدا حتى تختفي الخميرة هكذا وتترك حتى تختمر

بعد أن تختمر تكون هكذا

تدهن الصواني بالسمن جيدا ثم تشكل اما أصابع هكذا وكل مرة تدهن اليد بالسمن جيدا

أو تعمل قرص هكذا

وتترك برضة لتختمر

ثم نسخن الفرن جيدا على 220 ثم نضع الصينية وبعد أن تنضج وتحمر نقلبها

ولأننا متوصيين بالسمن فهي تتفكك بمجرد ماتنقلب

وهنا بعد مافككتها

يرص مرة تانية بالشكل ده وتوضع في فرن هادي حتي تحمر وتتحمص

وفي النهاية دي القرص خليتها طريه ممكن ناكل بيها جبنة وعسل وقشطة

ودي أصابع الفايش بعد التحميص

أخيرا اتعمل وخلص بعد جهد جهيد بس طلع رائع أنا مش مصدقة نفسي أني عملته

يارب يكون عجبكم أنا عارفة ان فيه ناس تسمع عنه بس أو ناس ماتعرفهوش ايه

رأيكم بقى أنا في انتظار آرائكم.

ملحوظة : لاتضاف أي خميرة غير خميرة الحليب حتى لا يتغير الطعم.

معلومة أحب أضيفها أنا عملت 2 كيلو وتعبت كده عندنا في

الصعيد بيعملوا 20 كيلو وزيادة وبيبقى خزين يعتمدوا عليه

في الفطار أكثر من أي شيء

» طريقة عمل الهمبورجر
» طريقة عمل التومية مثل المطاعم
» طريقة عمل الكشري المصري
» طريقة عمل بسكوت النشادر
» طريقة عمل الفلافل بالصور