الرئيسيةبحـثالتسجيلدخول
شاطر | 
 

 حمام محشي بالصور .طريقة عمل الحمام المحشي بالصور.

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
คђ๓є๔
عيــش وعيشنـــا
عيــش وعيشنـــا


ذكر
العمر العمر: 22
المشاركات المشاركات: 3337
النقاط النقاط: 9637
الاقامه الاقامه: مصــ EgYpT ـــر
الانتساب الانتساب : 06/08/2009

مُساهمةموضوع: حمام محشي بالصور .طريقة عمل الحمام المحشي بالصور.   الخميس فبراير 11, 2010 7:01 pm

حمام محشي بالصور



الطريقه دي بتنفع للحمام او السمان ( الصور المرفقه لسمان محشي )

نبدأبسم الله

المقادير :

حمام متوسط الحجم ( يفضل طبعا استخدام الزغاليل صغيرة السن ) وممكن سمان
للحشو :


ارز مصري ( حوالي 200 جرام لكل اربع حمامات )
السمان ال ستة سمانات بياخدوا ال200 جرام اللي هما يعني مج رز

بصل مفروم ( بصله متوسطه )
بهارات ( قرفه + حبهان+زنجبيل + فلفل اسود + مريمة)
ملح + ملعقه سمن بلدي او زيت ذرة
الطريقه :


تحضير الحمام :
تغسل الزغاليل جيدا من الداخل والخارج ، يراعي ان تزال الحوصله بدون عمل شق طولي في جلد الرقبه
، يتم فصل الاتصاق بين جلد الصدر واللحم بحرص و خفه باطراف الاصابع حتي لا ينقطع الجلد ،
لو سمان خليكي حريصه جدا لان الجلد بتاعه ارق بكتير من الحمام صحيح بيتميز انه مرن جدا بس لو اتقطع قطعه صغيره يبقي خلاص هايفتح للاخر


تفصل الرأس ويتم التخلص منها ويخاط جلد الرقبه من اعلي فقط ( علشان الارز مايخرجش منه )
تحضر خلطه من البهارات السابقه مع قليل من الملح ويتم تتبيل الحمام بها جيدا من الداخل ومن اسفل جلد الصدر علي اللحم
يترك جانبا حتي تحضر الحشو ه
تحضير الحشو :
يغسل الارز جيدا ولا يتم نقعه يعني استخدميه فورا
تشوح البصله في السمن حتي يصفر لونها ثم يتم اضافة ربع كوب ماء وكمية البهارات وتترك تغلي حتي يجف مائها
يضاف الارز مع قليل من الميه ( يادوب بس الميه تغطي الرز خدي بالك اوعي تزودي الميه عن كده صحيح ده مش عيار مية الرز بس احنا عاوزينوا ناقص ميه وناقص سوا كمان عشان ما يعجنش ) ثم نضبط الملح بالدرجه اللي نحبها
يوضع علي نار عاليه حتي يتشرب مع الانتباه حتي لا يلتصق في الحله ويفضل استخدام حله تيفال ،
يتم تخفيض النار ويقلب مرتين او ثلاثه ثم يرفع من علي النار ويفرد في طبق حتي
يبرد ( علشان تعرفي تمسكيه وتحشي الحمام)
يحشي الحمام من الداخل ومن اسفل جلد الصدر وداخل جلد الرقبه ( لاحظي الرقبه نفسها بتبقي موجوده ولا يتم التخلص منها )




ده شكل الحمام بعد الحشو

يراعي عدم زيادة كمية الارز اكثر من اللازم لانه لسه هايزيد في الحجم، وده علشان ما تنفجرش الحمامه

توضع الكبده والقونصه لتسد الفتحه بين الرجلين ثم تكتف الحمامه بادخال الارجل في الفتحه السفليه





الرقبه بنخيطها من اولها خالص عشان تبقي طويله وتدي حجم للحمامه
وشوفوا الرجلين داخلين ازاي


ثم يرص في صينيه تيفال ( لتجنب الاتصاق ) بحيث يكون الصدر لاعلي



يتم اضافة ربع كوب ماء وتغطي الصينيه وتترك حتي الغليان علي نار عاليه وحتي تجف المياه ( ربع الكوباية دي هاتخلي الحمامه تاخد شكلها المنفوش وكمان هايكمل الرز بيها سواه )

وخدي بالك مش اكتر من ربع كوبايه والا الرز هايزيد جدا ويقطع الجلد ويبقي منظره مش تمام



ندهن وش الحمامات سمنه بلدي سايحه وندخله فرن مرتفع الحراره لمدة نص ساعه او اكثر حسب سن الحمام



واخيرا توضع تحت الشوايه حتي يحمر الحمام من جميع الاتجاهات
ولنكهة الشوي علي الفحم ممكن تسخني قطعه صغيره من الفحم حتي تحمر

ثم ضعيها مع الحمام في الصينيه وضعي عليها بضع نقاط من الزيت او قطعه من لية خروف او دهن لحم ثم احكمي
الغطاء لمدة 5 دقائق مع تغطية الصينية بقطعة قماش او فوطة مطبخ

ممكن تقدميه مع ملوخيه خضرا
او شوربه وسلطه
او بطاطس محمره وسلطة طحينه




وبالهنا والشفا








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shababfox.own0.com
 

حمام محشي بالصور .طريقة عمل الحمام المحشي بالصور.

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب فوكس ::  :: -